ILOILO CITY – Magatambong si Presidente Ferdinand Marcos, Jr. sa coronation ni King Charles III sa Mayo suno kay Ambassador Teodoro Locsin Jr.
Ang coronation ni His Majesty The King kag Her Majesty The Queen Consort Camilla ang hiwaton sa Westminster Abbey sa Mayo 6 kag ang service ang pamunuan ni Archbishop of Canterbury Justin Welby.
Suno kay Locsin nga nagpungko bilang Philippine Ambassador to the Court of St. James sang nagligad nga duha ka semana, nagpahayag ang presidente nga pagkatapos sang coronation, gilayon ini nga magabiya agud nga makatambong sang Association of Southeast Asian Nations summit.
Dugang pa ni Locsin, si Marcos kag ang hari ang kilalahay bangud nga naka-agi ang mga ini hampang sang polo.
Samtang, si Locsin naman nga may concurrent jurisdiction sa Republic of Ireland, the Isle of Man, Bailiwick of Jersey and Bailiwick of Guernsey, ang indi magtambong sa coronation sa Westminster Abbey bangud nga ang imbitasyon ang para lamang sa presidente kag sa asawa sini.
Una na nga gin-anunsiyo sang Buckingham Palace nga ang coronation service ang maga-reflect sa katungdanan sang monarch sa moderno nga panahon samtang ginadumdom sa gihapon ang madugay na nga tradisyon.
Ang ini nga historic event ang tambungan sang mga world leaders, diplomats, politicians, kag royals nagikan sa bilog nga kalibutan.
