ILOILO CITY – Nagpangayo sang pasaylo si President Ferdinand “Bongbong” Marcos Jr. bangud sang natabo nga temporary shutdown sa Philippine airspace sang New Year’s Day.
Subong nga adlaw, nagpadulong si Marcos sa Ninoy Aquino International Airport- Terminal 3.
Partikular nga ginpangayu-an sang pasaylo ni Marcos ang mga naghalin pa sa gwa sang pungsod bangud nga limitado ang ila nangin bakasyon.
Suno pa sa iya, nagpakig-angut na ini sa mga concerned officials agud nga masiguro nga indi na masulit pa ang natabo.
Ginpahayag nga 282 ka mga byahe nga pakadto kag pahalin sa Manila, kag majority sa sini ang ginkanselar sandig sa lista sang Manila International Airport Airport Authority.
Masobra naman sa 65,000 ka mga pasahero ang na-stranded bangud sini suno kay Transportation Secretary Jaime Bautista.
