ILOILO CITY – Ginhangkat ni President Ferdinand “Bongbong” Marcos, Jr. ang sin-o man nga may gusto nga buksan ang P203-billion unpaid estate tax apisar nga nagpagwa na sang final ruling ang Supreme Court pila na ka dekada ang nagligad.
Ang presidente kag ang iya iloy nga si anay First Lady Imelda Marcos amo ang co-administrators sang estate nga ginbilin ni anay Presidente Ferdinand E. Marcos, Sr. nga nagtaliwan sa Hawaii sang Septyembre 29, 1989.
Sang Disyembre 2021, nagpadala sang demand letter sa mga Marcoses ang Bureau of Internal Revenue agud nga magbayad sang estate tax dues nga nagtimbuok sa P203 billion humalin sa P23 billion sang 1997.
Suno kay Marcos, gusto niya nga ma-resolve na ang amo nga isyu.
Dugang pa niya, wala sila ginhatagan sang tsansa nga makasabat kag ipahayag ang ila nga bahin.
Sang Abril, ginpahayag sang anay spokesperson ni Marcos kag subong si Executive Secretary Vic Rodriguez nga ang tax case ang yara pa sa korte.
Santo sa Supreme Court ruling, ang estate tax assessment sang mga Marcoses nga P23 billion ang “final and executory” sang March 1999.
