Presidente Ferdinand Marcos, Jr., ginpatawag si Chinese Ambassador Huang Xilian agud nga ipalab-ot ang tuman nga kabalaka sini may kaangtanan sa nagalala pa nga pagpang-harass sang China batuk sa mga manugpangisda nga mga Pilipino kag sa Coast Guard personnel

ILOILO CITY – Tatlo sa apat ka mga adult Filipinos ang kuntento sa performance ni President Ferdinand Marcos Jr.

Base sa resulta sang survey nga ginpatigayon sang Social Weather Stations sang December 10-14, 2022, 75 percent sang adult Filipinos kuntento sa performance ni Marcos samtang 7 percent ang indi kuntento.

18 percent naman ang undecided.

Ang resulting rating ang “very good” +68, nga nagsaka sang 5 points nagikan sa +63 rating nga nabaton ni Marcos sang October 2022.

Ang net satisfaction sang presidente ang pinakamataas sa Mindanao kun sa diin, nakabaton ini sang “excellent” +72.

“Very good” ang rating sa Balance Luzon nga +68, +67 sa Visayas kag +65 sa Metro Manila.

Nabaton man ni Marcos ang “excellent” rating sa rural areas kag “very good” +62 rating sa urban areas.

Ang Fourth Quarter 2022 Social Weather Survey ang nagamit sang face-to-face interviews sang 120 ka mga adults sa bilog nga pungsod nga may tag-300 sa Metro Manila, Balance Luzon, sa Visayas kag Mindanao.

Ini ang may sampling error margins nga ±2.8 percent sa national percentages, kag ±5.7 percent sa Metro Manila, Balance Luzon, sa Visayas kag Mindanao.