Ginpaandaman ni Presidente Rodrigo Duterte ang mga local government unit nga wala nagasunod sa Inter-Agency Task Force may kaangtanan sa ginpatuman nga community quarantine sa Luzon.
Suno kay Presidente Duterte, posible nga magpangatubang sang nagakaigo nga kaso ang sin-o man nga madakpan nga wala nagasunod.
Sa subong nga tion sang national emergency, ang national government lang suno kay Presidente Duterte ang nagakadapat nga sundon.
Nahibaluan nga ginmanduan na ni Presidente Duterte ang Department of the Interior and Local Government kag Department of Justice nga i-monitor ang local government unit.
Ginpanugyanan naman sang Inter-Agency Task Force ang mga alkalde nga makig-angot sa Department of the Interior and Local Government kun may yara sang problema sa nasambit nga mandu.
