ILOILO CITY- Gin-aresto ang principal sang Guinobatan Elementary School sa Leganes, Iloilo matapos nagpalupok sang pusil.
Ang principal amo si Mr. Romeo Valiente, 58 anyos, residente sang Brgy. Guinobatan, Leganes.
Sa interview sang Bombo Radyo kay Police Staff Sergeant John Mark Tuazon, imbestigador sang Leganes PNP, iya ginpahayag nga nakabaton sila sang impormasyon nga may nagpalupok sang pusil sa amo nga eskwelahan.
Pag-abot nila sa lugar,gin-ako ni Valiente nga nagpalupok siya sang armas bangud may yara sang tawo nga nagahaboy sang bato sa iya nga kwarto sa buluthuan.
Gin-surrender man niya ang 357 Smith and Wesson nga pusil nga wala na sang bala kag wala ma ini sang may napakita nga dokumento angot sa pagpanag-iya niya sang pusil.
