ILOILO– Nagpanugyan ang City Social Welfare and Development Office sang syudad sang Iloilo sa mga barangay nga pabaskugon ang mga programa nga ginapatigayon para sa mga kabataan.
Sa interview sang Bombo Radyo kay Rara Ganzon focal person sang curfew for minors, iya ginpahayag nga nagakadapay tsekyaron sang mga barangay officials nga naga partisipar ang mga kabataan sa mga programa sang barangay kaangay sang mga sports activities, youth camps kag madamo pa nga iban agud mabuligan ang mga kabataan nga indi ma inbolba sa mga malain nga mga buluhaton.
Suno kay Ganzon, may yara sang nakatalana nga pondo ang kada barangay para sa mga kabataan kag kinahanglan ini nga ma utilize.
Samtang sa isyu naman sang mga kabataan nga biktima sang child labor kag may kaangtanan man sa pila ka mga kabataan nga nadala sa ginpatigayon nga rescue operation nga nahibaluan naga ubra sa Iloilo Central Market kag naabtan sang curfew for minors, sa liwat nga nagpahanumdom si Ganzon nga nagakadapat nga may yara sang written consent nagikan sa ginikanan sang bata.
Santo sa pahayag sang natungdan, kun wala sang may mapakita nga nasambit nga requirements magapangatubang sang nagakadapat nga silot ang ginakanan lakip man ang establisyemento nga nagbaton sa bata.
