ILOILO – Imposible nga may yara sa gihapon sang nabilin nga drug groups sa Iloilo.
Ini ang pahayag sang Police Regional Office 6 matapos nga ginbansagan ni Police Lieutenant Colonel Jovie Espenido, assigned Deputy City Director for Operations sang Bacolod City Police Office, nga ‘shabulized city’ ang syudad sang Bacolod.
Sa interview sang Bombo Radyo kay Pol. Lt. Col. Joem Malong, tagpamaba sang Police Regional Office 6, iya ginpahayag nga imposible nga may yara sang nagakatabo nga re-grouping sa mga nabilin nga durugista nga madugay na nga napapas.
Suno kay Malong, kun may yara man sang mga durugista sa syudad sang Iloilo, ini ang lunsay mga indi kilala nga pangalan.
Ginpahayag ni Malong nga kun may yara gid man nga nabilin nga grupo sa syudad, gamay na lang ang kahigayunan nga may yara sang re-grouping nga matabo.
