Iga-reactive sang Office of Civil Defense (OCD) Western Visayas ang Regional Task Force on El Niño kasunod sang forecast sang state weather bureau nga maga-develop ang phenomenon sa Hunyo.
Sa interview sang Bombo Radyo kay Regional Director Raul Fernandez, iya ginpahayag nga istoryahan sa task force kun paano mapahagan-hagan ang malawig nga epekto sang El Niño sa rehiyon.
Lakip sa updon sa task force ang tanan nga concerned offices sang gobyerno nga may mandato sa paghatag sang ayuda sa apektado nga mga populasyon kag sector, amo man ang mga ahensya para sa pagpasiguro nga may bastante nga tubig.
Natalana man ang meeting sa local government units kaangot diri.
Nahibaluan nga subong pa lamang nga bulan, nagadangat na sa danger level ang heat index sa pila ka areas sang Western Visayas lakip na sa Iloilo gani nga may gin-isyu man nga heat advisory nga nagapaandam sang potential nga pagtimbuok sang heat-related illnesses lakip na ang mga kaso nga may pamahog na sa kabuhi.
