Gin-anunsyo sang Civil Service Commission nga makabaton na sang year-end bonus umpisa subong nga semana ang ginapahayag 1.7 million ka mga regular nga empleyado sang gobyerno.
Suno kay Commissioner Aileen Lizada, nakasaad sa guidance nga ang regular ukon plantilla position workers ang dapat hatagan sang isa ka bulan nga sweldo kag may yara man sang posible nga cash gift.
Prerogative na ini sang executive suno kay Lizada apang dapat nga nakakonsulta sa Department of Budget and Management.
Suno pa sa commissioner, may 600,000 employees sa idalom sang job order kag contract of service ang indi eligible para sa year-end bonus bangud indi sila makabig nga regular workers.
May yara sang 400,000 job order kag contract of service employees sa local government units samtang may 200,000 employees naman sa idalom sang iban nga agencies.
Ang pag-release sang year-end bonus ang kasunod sang pagsaka sang consumer prices sa pungsod kun sa diin nagdangat na sa 7.7% ang inflation rate sa Oktubre nga amo ang pinakamataas sang nagligad nga 14 ka tuig.
