Wala nakaluwas sa kritisismo gikan sa mga netizen si Sagip party-list Rep. Paolo Marcoleta matapos mag-viral ang iya nga pahayag nga naggamit sang sikat nga linya halin sa pelikula sa tunga sang hearing sang House Committee on Justice kaangot sa impeachment complaints batok kay Vice President Sara Duterte.
Sa iya nga manifestation, ginmitlang ni Marcoleta ang linya nga “I deserve an explanation, I deserve an acceptable reason” samtang ginahangkat ang komite nga buksan ang kahon gikan sa Bureau of Internal Revenue nga nagaunod sang tax records sang Bise Presidente.
Gilayon naman nga ginkorehiran ni Akbayan Party-list Rep. Perci Cendaña, nga nagsiling nga sala ang ginhalinan sang quote ni Marcoleta.
Suno kay Cendaña, indi ini halin sa karakter ni ”Popoy” sa ”One More Chance,” kundi halin sa karakter ni ”Piolo Pascual” sa 2014 film nga ”Starting Over Again.”
Paglahog pa ni Cendaña nga kuntani, indi matapos sa “starting over again” ang deliberasyon sang komite sa amo nga impeachment hearing.
Wala nakapugong ang mga netizens nga naham-ot kag naghikay kay Marcoleta.
Pila sa mga comments amo ang masunod:
”Pirated ngani ang napanood niya.” Mayroon pang nagsabi na: ”Pag c marcoleta magsalita, nonsense!”
”Pati ba naman pagqoute sa pelikula MALI!!!!! Ayon pa sa komento ng isang Netizen.
Nag-react man sa viral video ang comedian kag talent manager nga si Ogie Diaz kun sa diin iya ginsiling nga: ”Kalokah. hindi si ‘Popoy’ ‘yon. Si ‘Marco’ ang name doon ni Piolo, Cong. Kaya pa ba?”
Isa naman ka netizen ang nag-apin sa pahayag sang kongresista kag nagsiling: ”wow ha,,ikaw ogie kakayanin mo bah utak ni marcoleta? It’s not about the name, it’s about the context of the story he try to imply.”
