Repatriates nagikan sa Macau, magapaidalom sa health assessment antes makapauli sa ila tagsa ka mga panimalay

Magapa-idalom sa health assessment sang Bureau of Quarantine ang una nga batch sang mga Pilipino nga halin sa Macau.

Ini ang nangin pahayag ni Department of Health Assistant Secretary Maria Rosario Vergeire matapos nag-abot ang halos 200 ka mga Pilipino nga kabahin sang repatriation.

Suno kay Vergeire, madapaidalom sa health assessment ang mga Pilipino agud mahibaluan kun sin-o sa ila ang may sintomas sang Coronavirus Disease 2019 (COVID-19).

Ginpasalamatan naman sang Malacañang ang mga otoridad sa Macau sa ila nga pagpakig-angot sa Philippine Consulate General kag paghitso sang repatriation flight sang mga Pilipino.