ILOILO CITY – Nagpanawagan si Senator Imee Marcos sa iya “ading” ukon manghod nga si President Ferdinand ‘Bongbong’ Marcos Jr. nga i-reshuffle ang mga top officials sang Department of Agriculture kag dulaon na ang criminal syndicates sa gobyerno.
Ini ang kasunod sang paggamit sang opisina sang presidente para sa indi otorisado kag sahi sang pagpanunto sa importation sang kalamay.
Suno kay Sen. Marcos, ini ang nagapakita lamang nga ang mga smugglers ang nagapanggahom sa DA.
Dugang pa niya, ang presyo sang kalamay ang nagtaas sang masobra sa P100 sa kada kilo bangud ang imports ang gina-target sang nagapanguna nga manufacturers sang sugared products in connivance sa DA officials.
Ginpahayag man sang mga local producers sa iya opisina nga ang sugar milling ang ginahimo sang mas temprano sa duha ka semana agud nga ang mga locally produced sugar ang mangin available sa retailers sa katapusan sang bulan.
Nahibaluan nga ginpahayag sang Malacañang nga nagapadayon ang imbestigasyon sa pagpagwa sang Sugar Order No. 4 nga naga-direct kuntani sang importation sang 300,000 metric tons sang kalamay.
Suno kay Press Secretary Atty. Trixie Cruz-Angeles, ang authorization sa pag-import ang illegal kag nagagwa nga ini ang ginpirmahan ni DA Undersecretary Leocadio Sebastian.
Sang Myerkules, ginbasura na ni Marcos ang plano nga maga-import sang dugang nga kalamay.
Sa subong, gina-imbestigaran na sang Malacañang ang mga opisyal sang Sugar Regulatory Administration (SRA) nga sa likod sang pag-post sa social media sang resolusyon.
Gin-athag ni Angeles nga indi pirma sang presidente ang nakita sa resolusyon kag ini ang ginpirmahan lang ni Sebastian.
Ginpahayag ni Angeles nga magluwas kay Sebastian, imbestigaran man si SRA Board Vice Chairman Hermenegildo Serafica nga isa man sa mga nagpirma sang nasambit nga dokumento.
Ginatun-an naman subong suno kay Angeles, kun bala dagdagan sang suspension ang nasambit nga mga opisyal sang gobyerno.
