ILOILO CITY – Ginduso ni Senator Robin Padilla ang hagna nga nagahimo nga legal sang civil union sang same sex couples sa pungsod.
Ang Senate Bill No. 449 ukon ang Civil Unions Act ang magahatag sang equal rights kag pagkilala sa mga same sex couples.
Sa explanatory note sang hagna, ini na ang tion nga hatagan sang Pilipinas sang patas nga kinamatarong kag pagkilala ang mga magkahagugma nga pareho ang sexuality nga wala naga-kwestiyon sa paghatag sang proteksyon kag pagkilala sa sexual relationships kag nagahatag sang basic social protection kag security.
Ang paghatag sang pareho nga kinamatarong kag prelibihiyo para sa same sex couples ang nagakadapat nga wala nagadula sang paghatag sang kinamatarong kaangay sang mga kasado nga couples.
Ginpahayag man sa hagna nga ang same-sex marriage ukon civil union ang gin-legalize na sa 31 ka mga pungsod kag territories.
Suno kay Padilla, ang Pilipinas ang wala sang layi nga nagahatag sang equal rights kag prelibihiyo para sa same-sex couples nga mag-enjoy kaangay sa different-sex couples.
Sa amo nga hagna, ang same-sex couples ang makasulod sa civil union kun sila ang naga-edad sang 18 kag pataas kag hilway na sa nagligad nga kasal ukon civil union; kung sila ang makakuha sang valid license para sa civil union nagikan sa local civil registrar.
Nagakadapat nga personal sila nga magtambong sa civil union ceremony sa presensya sang at least duha ka mga witnesses nga legal ang edad.
Sila ang hatagan sang kinamatarong nga makapanubli kag maka-adopt kag social security kag insurance membership.
Ang hagna ang nagahatag sang penalidad lakip na ang multa nga tubtob sa P1 million ukon tubtob sa 10 ka tuig nga pagkabilanggo sa mga magapamatuk nga mag-isyu sang civil union license ukon certificates apisar nga ginpahanugutan man kag sa mga empleyado naman nga maga-engage sa unlawful kag discriminatory employment practices.
