Mahimo na nga mabayaran sang mga magagmay nga negosyante nga apektado sang ginpatuman nga enhanced community quarantine ang ila nga renta sa Abril paagi sa anum ka bulan nga installment.
Suno kay Department of Trade and Industry Secretary Ramon Lopez, may yara sang 30-day grace period ang tanan nila nga balayran nga naka-due kadungan sang quarantine period.
Mahimo nila ini mabaydan paagi sa monthly amortization ukon installment agud mahagan-hagan ang ila nga gastos.
Dugang sang natungdan, ang paghatag sang 30-day grace period sa mga micro-small-medium-enterprises ang gin-aprubahan sang Inter-agency Task Force for the Management of Emerging Infectious Disease kag katungdanan naman sang Department of Trade and Industry nga magdihon sang pagsulundan.
