Gin-anunsyo sang Department of Science and Technology nga nakumpleto na nila ang paghimo sang specimen collection booths nga gintalana para sa testing efforts sang Pilipinas batok sa Coronavirus Disease 2019.
Suno kay Department of Science and Technology Secretary Fortunato Dela Peña, natapos na nila ang inisyal nga batch sang 132 ka mga specimen collection booths nga dal-on sa nagkalain-lain nga bahin sang pungsod.
Nahibaluan nga sa subong may yara na sang 23 ka coronavirus testing centers sa bilog nga pungsod.
Dugang pa sang natungdan, naghingyo sa ila sang duha ka units sang specimen collection booths ang Philippine Coast Guard nga ipahamtang sa ila mga quarantine centers sa diin naga agi ang mga Pilipino nga gikan sa nagkalain-lain nga probinsya.
Santo sa pahayag ni Dela Peña, 30 ka mga manufacturer ang nagdownload sang design sang collection booths nga gin-aprubahan sang gobyerno.
Madumduman nga una na nga ginpahayag ni Dela Peña nga mahimo na nga ma-download kag magamit sang libre ang specimen collection booths design apang kinahanglan lang nga magsunod sang mga fabricator sa pagsulundan.
