Nagpahanumdom ang Social Security System (SSS) sa mga transport cooperatives nga magbayad sang ila bulanan nga kontribusyon.
Ini ang kasunod man sang ila natukiban nga wala nagabayad ang Iloilo City Alliance of Operators and Drivers Transport Cooperative (ICAODTC) sang ila kontribusyon sa pila nila ka mga myembro.
Sa interview sang Bombo Radyo kay Amiel Genova, Senior Communications Analyst sang SSS Visayas II, iya ginpahayag nga nakabaton sila sang reklamo sa mga myembro sang transport cooperatives nga wala ginabayadan ang ila kontribusyon.
Suno kay Genova, nagakadapat nga bulanan ang kontribusyon kag indi tuigan.
Una diri, nagpaandam ang state-run social insurer nga nga pasakaan nila sang kaso ang transport cooperatives sa tion nga indi mabaydan ang kontribusyon sang ila mga driver subong nga bulan.
Nagpanugyan man ang natungdan sa mga employer nga indi na pagpalab-uton sa amo nga punto bangud apektado man ang mga trabahador.
