ILOILO CITY- Matam-is ang nangin yuhom sang tanan nga studio draw winners sang Swerte sa Palengke 2024 promo sang Bombo Radyo kag StarFM week 1 matapos nga nabaton na ang ila mga cash prize.
Ang 1st prize winner nga nagdaug sang P 5,000 cash amo si Ester Rodriguez,70, sang Tacas, Jaro, Iloilo City kag naggamit sang Jimm’s 4 in 1 coffee mix bilang proof of purchase.
Sa interview sang Bombo Radyo kay Rodriguez, iya ginpahayag nga ibakal niya sang bugas kag dugang nga proof or purchase ang iya nadaugan nga premyo.
Ang 2nd prize winner nga nagdaug sang P 4,000 cash amo si Luzviminda Larroza sang Ungka II, Pavia, nga naggamit sang Orocan bilang proof of purchase.
Suno kay Larroza, igbayad niya sa kuryente, ibakal sang bugas kag idugang nga pangkapital sa iya negosyo ang P5000 nga cash premyo.
Ang 3rd prize winner nga nagdaug sang P 3,000 cash amo si Armalyn Cabanero,50, sang Alalasan, Lapuz, Iloilo City nga naggamit sang Revicon Forte bilang proof of purchase.
Suno kay Cabanero, sa kapigaduhon subong, madamo gid ang malab-utan sang iya nadaugan nga P3000 cash.
Indi naman matakos ang kalipay sang tatlo ka mga consolation prize winners nga nagbaton sang P1000 ang kada isa.
Sa interview sang Bombo Radyo Rhea Gubatanga,45, sang Brgy. Tabuc Suba, La Paz, Iloilo City nga naggamit sang Gardenia bilang proof of purchase, iya ginpahayag nga gamiton niya ang cash agud ibakal sang kinahanglanon sang iya baby.
Suno naman kay Johnbirth Peñalber,19, sang Cruz, Barotac Nuevo nga naggamit sang Surf powder bilang proof of purchase, ibakal niya ang sulud-anon kag konsumuhon sa sulod sang balay ang nadaugan nga cash.
Suno naman kay Johnlord Naid,20, sang San Juan, Molo, Iloilo City nga naggamit sang Dr. Wongs’ Whitfields ointment bilang proof of purchase, dako gid ang bulig sa iya sang nadaugan nga cash prize ilabi na nga nagaeskwela ini sa kurso nga Bachelor of Secondary Education, Major in Filipino.
Sa Swerte sa Palengke 2024 promo sang Bombo Radyo kag Star FM, P7-million nga cash-siyahan in total prizes nationwide ang magaulan subong nga tig-ululan!
Gani, maghulog na sang madamo nga entries agud ikaw man ang masunod nga magdaug sang dalagko nga papremyo.
