MAASIN, ILOILO – Padayon pa subong nga ginapangita ang riding-in-tandem suspects nga naghold-up sa babaye nga collector sang lending company sa Barangay Tuy-an, Maasin, Iloilo.
Ang biktima amo si alyas Grace, 28, empleyado sang lending company.
Sa interview sang Bombo Radyo kay Police Major Jose Nemias Pamplona, hepe sang Maasin Municipal Police Station, iya ginpahayag nga ginparahan sang lalaki nga suspek ang biktima nga nagasakay sang motorsiklo kag gintayaan sang pusil.
Diri na kag nagdeklarar ini sang hold-up kag gintaban ang bag sang biktima nga naga-unod sang P37,000.
Matapos ang insidente, nagdalagan pabalik ang lalaki nga suspek sa motorsiklo nga ginamaneho sang isa ka babaye.
Wala naman nagapalagyo gilayon ang biktima bangud ginatayaan pa ini sang suspek sang pusil samtang nagapalagyo.
Gilayon naman nga nagpalagyo ang mga suspek sakay sang ila motorsiklo padulong sa Janiuay, Iloilo.
