ILOILO – Mas nangin determinado nga madugangan pa nga makakuha sa bulawan nga medalya ang PWD swimmer sang 4th CDSA nga naga superer sang Tetra Amelia Syndrome matapos nga mapaslawan nga makakuha sang bulawan nga medalya sa 50 meters freestyle secondary swimming sa Paralympic Games sa nagapadayon nga ISSC 2019.
Sa interview sang Bombo Radyo kay Jeferson Dela Peña, atleta sa Paralympics Games iya ginpahayag nga kun wala lang niya kuntani nalipatan nga suksukon ang iya googles mas dako kun tani ang tsansa niya nga makuha ang iya ika duha nga bulawan nga medalya.
Nahibaluan nga una na nga nakakuha sa Dela Peña sang bulawan nga medalya sa 50 meters back stroke sa secondary swimming Paralympics Games.
Samtang suno naman kay Renalyn Destua, swimming coach Dela Peña bilang pagpanghanda sa masunod nga hampang sang atleta siguraduhon na nila nga masuksok niya ang iya googles agud indi na ini ma sudlan sang tubig kag mas mangin maayo ang performance niya agud makuha ang ika duha niya nga bulawan.
