Ginpasalig ni Vhong Navarro nga kumpleto ang myembro sang iconic ’90s dance group nga The Streetboys sa ila palaabuton nga reunion concert sa Quezon City sa Nobyembre 8.
Kumpirmado suno sa iya nga magapauli ang ila nga mga kaupdanan nga yara pa subong sa London, Dubai, kag Canada.
Suno naman sa singer-actor nga si Ogie Alcasid nga amo ang maga-produce sang show sa idalom sang company nga A-Team, mahimo paabuton sang fans ang gab-i nga puno sang nostalgia bangud buhion sang iconic performers ang ila glory days.
Ini nga grupo ang ginabug-usan nanday Vhong, Jhong Hilario, Danilo Barios, Spencer Reyes, Meynard Marcellano, Christopher Cruz, Michael Sesmundo, kag Joseph de Leon.
Gintukod ang Streetboys sang 1993 bilang dance troupe apang sang ulihi amat-amat naman nga nagsulod sa acting sa pelikula kag television tubtub nga nangin inactive kag nagkadto na sa luwas sang pungsod ang iban.
Sang Abril, may yara man sila sang benefit concert bilang selebrasyon sang ila ika -31 nga anibersaryo.
