ILOILO CITY – Nakitaan nga guilty sang Manhattan federal court si former United States President Donald Trump sa kaso nga ginpasaka sang writer nga si E. Jean Carroll bangud sa nga paghimulos kag pag-assault sa writer kag ang pagpakahuya diri matapos ang pahayag nga ginhimo lamang niya ang istorya.
Matapos ang deliberation, nagpagwa sang mixed verdict ang jury kun sa diin, liable si Trump sa sexual abuse apang na-abswelto sa rape case.
Napamatud-an man nga ginpakahuy-an ni Trump ang 79 anyos nga si Carroll bangud gintawag nga ‘con job’ ang alegasyon sang writer.
Magabayad sang 5 million dollars si Trump.
Nahibaluan nga ginpahayag sang writer nga ginhimuslan ini sang 76 anyos nga si Trump sa iya dressing room sa Bergdorf Goodman department store sa Manhattan sang 1995 ukon 1996, kag ginguba pa ang iya repustasyon pinaagi sa pagpanginwala sini.
Una na nga ginpanginwala sang frontrunner sang 2024 Republican presidential field nga ginhimuslan niya si Carroll kag gin-akusaran nga nagahimo lamang ini sang istorya agud nga makatipon sang sales sa iya 2019 memoir.
