ILOILO CITY – Nag-abot na sa Pilipinas ang military aircraft nagikan sa Estados Unidos kag Australia, pila ka adlaw antes ang pagsugod sang Balikatan exercise sa masunod nga semana.
Ang Balikatan subong nga tuig nga naga-focus sa maritime defense, coastal defense, kag maritime domain awareness, ang patigayunon sa Abril 11-28 sa nagkalain-lain nga mga lugar sa pungsod lakip na sa Palawan, Antique kag pila ka bahin sang Northern Luzon.
Isa ka United States military plane kag isa ka C130J ang naghugpa sa Antonio Bautista Air Base sa Puerto Princesa, Palawan sang Huwebes suno sa Philippine Air Force.
Sa amo man nga air base, gin-welcome sang Philippine Air Force ang pag-abot sang isa ka Australian aircraft, kag C-17 nga may dala nga supplies, equipment kag personnel nga maga-upod sa Balikatan exercises.
Ginabanta 17, 600 ka mga tropa ang ginalauman nga magpasakup subong nga tuig nga amo ang pinakadako nga annual Philippine-led bilateral exercise sang Armed Forces of the Philippines upod sa United States Armed Forces.
Sa amo nga numero, 12, 000 ang nagikan sa Estados Unidos samtang ang nabilin ang ginabug-usan sang Philippine troops.
Maga-upod man ang 111-person contingent nagikan sa Australian Defense Force.
Ang Balikatan 2023 ang lakipan sang live-fire exercises sa dagat.
Ang Armed Forces of the Philippines ang magagamit sang bag-o ginbakal nga frigates, FA-50 jets, kag artillery.
May yara man sang mga observers nagikan sa Japan, South Korea, Association of Southeast Asian Nations, United Kingdom, France, kag India.
