Nakabaton sang tawag si Presidente Rodrigo Duterte gikan kay US President Donald Trump paagi sa telepono.
Suno kay Senator Bong Go, gin-istoryahan sang duha ka lider ang may kaangtanan sa mangin kooperasyon nila sa bilateral cooperation sa coronavirus disease 2019.
Dugang pa ni Go, si Trump mismo ang nagtawag kay Presidente Duterte.
Wala naman naghatag sang dugang pa nga detalye ang senador sa iban pa nga naistoryahan sang duha nga nagdugay sang halos 20 minutos.
Nahibaluan nga nagdangat na sa 6,259 ang kumpirmado nga kaso sang COVID-19 sa Pilipinas sa diin 409 na ang nagkalamatay kag 572 naman ang naka recover.
