ILOILO CITY – Magabisita sa de-militarized zone sa duha ka mga pungsod nga Korea si United Staes Vice President Kamala Harris bilang pagpakigkita sang suporta sang Washington sa seguridad sang South suno sa mga opisyal sang United States kag South Korea.
Ang pagbisita ang gin-anunsiyo matapos ang paglunsyar sang ballistic missile sang North Korea padulong sa kadagatan kadungan sang posible nga nuclear test matapos ang wala nadayon nga pagpakig-angut sang Biden administration sa lider sang Pyongyang nga si Kim Jong Un.
Ini ang ginkumpirmar mismo ni South Korean Prime Minister Han Duck-soo sa isa ka meeting upod kay Harris sa Tokyo nga sang ulihi, ginkumpirmar man sang opisyal sang Estados Unidos.
Ang bise presidente ang yara sa rehiyon agud nga pamunuan ang United States presidential delegation sa state funeral ni former Japanese Prime Minister Shinzo Abe.
Si Harris ang maga-tour sa de-militarized zone, makigkita sa service members, mabaton sang operational briefing halin sa United States commanders, maga-reflect sang sakripisyo sang mga suldado nga Amerikano kag taga South Korea.
