ILOILO CITY – Ginpangunahan ni Vice President kag Education Secretary Sara Duterte ang presentation sang Basic Education Report 2023.
Ginlunsyar subong nga adlaw ang “MATATAG” agenda nga amo ang magaserbe nga roadmap sa pag-address sang mga pagtilw sa basic education sector sa idalom sang anum ka tuig niya nga termino.
Ang “MATATAG” ang nagakahulugan nga:
– MAke the curriculum relevant to produce job-ready, active and responsible citizens.
– TAke steps to accelerate the delivery of basic education services and provision of facilities.
– TAke good care of learners by promoting learner well-being, inclusive education and a positive learning environment.
– Give support for teachers to teach better.
Sa mensahe ni Duterte, nagpangayo ini sang bulig nagikan sa publiko.
Suno sa iya ang pagpanami sang access, equity, quality, resiliency, kag well-being ang indi matabo sa isa ka gab-i kag indi mahimo sang Department of Education nga wala sang bulig nagikan sa iban.
Dugang pa niya, ang kakulang sang imprastraktura kag resources agud masuportahan ang ideal teaching process ang makabig nga pinakadako nga problema.
Ang iban pa nga mga isyu amo ang problema sa procurement practices sang ahensya, ang pagnubo sang enrollment sa private schools, ang indi kaangay nga lebel sang treatment sa numero sang elementary kag secondary schools sa pungsod, ang congestion sa K-12 curriculum, ang employability sang senior high school graduates kag ang kakulang sa suporta sa mga manunudlo.
Nagtambong man sanday President Ferdinand Marcos Jr., Senate President Juan Miguel Zubiri kag Senate Basic Education Committee Chairman Sherwin Gatchalian.
