ILOILO CITY – Ginlubong na ang Wagner chief nga si Yevgeny Prigozhin.
Ginpatigayon ang private funeral sa St Petersburg suno sa iya press service.
Ang seremonya ang ginhiwat sa isa ka closed format kag ang mga gusto nga magpa-alam sa iya ang mahimo nga magbisita sa Porokhovskoye cemetery.
Ang 62 anyos nga Wagner chief ang ginkumpirma sang Russian authorities nga napatay matapos ang ginpatigayon nga genetic analysis sa 10 ka mga lawas nga nakit-an sa nagtibusok nga eroplano sa Moscow.
Ginpanginwala naman sang Kremlin ang mga espekulasyon nga sila ang responsable sa pagtibusok.
Antes ini napatay, gintawag na ini sang mga Russia watchers nga “dead man walking” kasunod sang pag-isol sang armed revolt nga ginpamanuan niya.
Wala naman nagtambong sa lubong si Russian President Vladimir Putin.
Sang Hunyo, ginpamunuan ni Prigozhin, nga anay loyalista ni Putin, ang rebellion batuk sa duha ka mga top generals sang Russian armed forces.
