Positibo sa Covid-19 sang ginpaagi sa antigen test ang walo ka mga Pinoy nga nag-abot sa Pilipinas halin sa China sang Dec. 27, 2022 tubtub sa Jan. 2, 2023.
Suno sa Department of Health, wala nabakunahan ang mga Pinoy apang isolated na subong kag nagpaidalom naman sa confirmatory test.
Natalana pa nga i-report sang otoridad kun may iban pa nga foreign travelers halin sa China nga positibo man sa coronavirus.
Wala man sang additional information kun ano nga COVID-19 variant ang nag-infect sa mga Filipinos.
Matandaan nga nagmandu na si Health officer-in-charge Maria Rosario Vergeire sang heightened surveillance sa travelers sa tanan nga ports of entry agud mabantayan ang mga byahero halin sa China. ##
