Pormal na nga ginapasakaan sang kaso sang Task Force Crusaders ang Western Visayas Medical Center (WVMC) sa Office of the Ombudsman.
Ini ang may kaangtanan sa ginaalegar kurapsyon kag irigularidad sa mga ginpamakal nga equipments kag bulong nga wala nag-agi sa bidding.
Kalakip man sa ila ginreklamo ang ginaalegar overpriced nga mga proyekto sa ospital.
Suno kay Juanito Magbanua, isa sa mga katapo sang Task Force Crusaders, suportado sang mga ebidensya kag dokumento ang ila reklamo nga naghalin pa sa talatapan sang Commission on Audit.
Ginpasiguro ni Magbanua nga magapadayon ang pagbantay nila kag pag-report sang mga mamutikan nga mga irigularidad ilabi na sa mga ahensya sang gobyerno.
