ILOILO CITY – Nagdangat sa 36% nga mga adult Filipinos ang indi kuntento sa response sang administrasyon ni President Ferdinand Marcos Jr. sa inflation ukon ang pagkontrol sang presyo sang basic goods.
Ini ang base sa survey sang OCTA Research nga ginpatigayon sang Oktubre 23 tubtob 27.
Sa amo man nga survey, 33% sang mga Filipinos ang nagpahayag nga kuntento na sila sa response sang gobyerno sa inflation samtang 31% naman ang undecided.
Ang amo nga survey ang may yara sang 1,200 respondents nagikan sa bug-os nga Pilipinas.
Katuyuan sang amo nga survey nga ma-assess ang paglantaw sang tawo sa pila ka mga programa sang national government.
Ang pagresponde sang gobyerno sa inflation amo ang may pinakamataas nga dissatisfaction rate sa listahan nga ginabug-usan sang 23 ka mga programa.
Ang pagpahagan-hagan sang kapigaduhon ang may yara sang 25% nga dissatisfaction rate.
Sa Oktubre, ang inflation rate sang pungsod ang nagdangat sa 7.7% nga amo ang pinakamataas sa sulod sang 14 ka tuig.
Humalin sang Enero tubtob Oktubre, ang average inflation ang nagatindog sa 5.4%.
Sang September 2022 survey sang Pulse Asia, 42% sang mga Pilipino ang indi kuntento sa pagsabat sang Marcos administration sa inflation.
