SAN ENRIQUE, ILOILO – Pito gikan sa 14 ka mga Locally Stranded Individual nga nagpauli sa San Enrique, Iloilo ang nagpositibo sa Coronavirus Disease 2019 (COVID-19).
Antes pa man ginpaguwa ang bulletin sang Department of Health 6 as of July 12, ginkumpirma ni Mayor Trixie Fernandez ang nasambit nga balita paagi sa iya Facebook account.
Santo sa impormasyon, Hunyo 26 sang nag-abot sa Iloilo ang 14 ka Locally Stranded Individual halin sa Metro Manila sakay sa barko kag gilayon nga ginderetso sa facility quarantine sang San Enrique.
Ang pito ang una nga ginpaidalom sa confirmatory test sang Hunyo 29 samtang ang nabilin nga pito ang ginkuhaan sang swab sample sang Hulyo 10.
Ang pito nga una nga nagpositibo sa COVID-19 ang lunsay asymptomatic kag naka facility quarantine.
