ILOILO CITY- 70 ka mga menor de edad nga naglapas sa curfew for minors ang na-rescue sang Iloilo City Social Welfare and Development Office humalin sang Enero 18 tubtob 23 kadungan sang Dinagyang Festival 2023.
Sa interview sang Bombo Radyo kay Teresa Gelogo, pinuno sang Iloilo City Social Welfare and Development Office, iya ginpahayag nga sa sini nga numero ,walo ang narecord sa Arevalo, 10 sa City Proper, 3 sa Jaro, 3 sa La Paz kag Lapuz, 20 sa Molo kag 26 sa Mandurriao.
Suno kay Gelogo,ang iban nga kabataan nga na-rescue ang halin sa probinsya.
Gin-athag naman ni Gelogo nga exempted ang menor de edad nga upod ang iya ginikanan nga nagalagaw.
Suno pa kay Gelogo,mismo ang personnel gid sang opisina ang nagbantay palibot sang syudad agud mang-rescue sang mga curfew violators.
