Gin-suspinder sang Twitter ang account ni Communist Party of the Philippines (CPP) founder Jose Maria Sison amo man ang iban pa nga accounts nga naangot sa communist movement.
Suno kay CPP spokesperson Marco Valbuena, magluwas sa suspension sa account ni Sison, suspended man ang Twitter accounts nga Philippine Revolution Web Central, ang official publication sang partido nga Ang Bayan, kag ang Sine Proletaryo.
Suno pa kay Valbuena, halin pa sang Byernes sang ginpatuman ang suspension kag ginhimo ini sang Twitter nga wala sang warning ukon advice.
Antes sini, nauna na ang Facebook kag Google sa pag-close sa social media kag email accounts sang CPP sang nagligad pa nga Abril.
Ginpahayag pa ni Valbuena nga ang amo nga suspensions sang kabahin sang tikang agud nga pahipuson ang anti-imperialist voices sa social media.
Nagpabangod pa ini nga ini nga tikang ang nagahatag sa US sang kontrol sa social media narrative.
Matandaan nga ginkakas man sang Meta (parent company sang Facebook) ang mga account nga naangot sa New People’s Army, ang armed wing sang CPP.
Gintudlo rason ang pagpalapnag sang violence nga nagalapas naman sa community standards sang Facebook. Una naman nga gintawag sang CPP nga hypocrite ang meta bangud sa amo nga tikang. ##
