Sen. Legarda wala ginkumpirma pero wala man mag-deny sa political plans sa Antique

ILOILO CITY – Wala direkta nga ginsabat ni Sen. Loren Legarda kun mapadalagan ini sa pagka-gobernador ukon representante sa probinsya sang Antique.
Suno kay Legarda, magasunod siya kun ano ang luyag sang iya mga kasimanwa.
Handa man ini magserbisyo sa probinsya sang Antique, apang sa subong suno sa senadora, madugay pa man ang eleksyon kag magatutok anay siya sa pagbulig sa Antique.
Indi man sini luyag nga magbinain-bahin ang probinsiya bangud lag sa pulitika.
Sa pagpadulong sini sa Antique para sa dayalogo kaupod ang mga local kag national officials, gin-imbitaran ni Legarda ang tanan lakip na si Rep. Paolo Javier kag Gov. Rhodora Cadiao.