Police visibility sa mga major points sa Iloilo, ginpasanyog para sa ASEAN Meeting

ILOILO CITY – Ginpasanyog na ang police visibility sa mga major points sa siyudad sang Iloilo para sa hiwaton ng 50th Association of Southeast Asian Nations (ASEAN) Ministerial Meeting sa March 8-10, subong nga tuig.
Nag-deploy na sang mga pulis kag katapo sang security team para sa pag-abot na sang mga delegado bwas nga adlaw.
Sa paglibot sang Bombo Radyo, may napahamtang na nga mga pulis sa Iloilo International Airport padulong sa Iloilo Convention Center nga amo ang venue sang meeting, kag sa mga billeting hotels.
Magluwas sa PNP, may naka-deploy man nga mga katao sang Armed Forces of the Philippines kag local force multipliers.
Una na ginpahayag sang local organizing committee nga tuyo sang hugot nga seguridad nga ginapatuman, amo ang masiguro ang matawhay nga paghiwat sang ASEAN Ministerial Meeting sa Iloilo City.