Misis kag iya 'other man', nadakpan sang bana nga nagapakighilawas sa ila puluy-an

ILOILO CITY – Nadakpan sa akto sang bana ang asawa sini nga may kaupod nga iban nga lalaki sa ila mismo kuwarto sa puluy-an sang mga ini sa banwa sang Lemery.
Suno kay Punong Barangay Pilar Basulgan, halin sa pagpanguma ang bana nga si Diego, 25 anyos kag natulugan sa guwa sang ila nkwarto bangud sa kakapoy.
Gilayon naman nga gin-text sang asawa nga si Lily, 23 anyos, kag tumandok sang Negros Occidental, ang kerido sini nga si Raul, 33 anyos, nga magpadulong na sa ila balay bangud nagakatulog na si Diego.
Apang nakabugtaw ang bana sa ugayong kag kulas sa ila nga katre gani iya ini nga ginlantaw kag nakita ang asawa kag ang ila kaingod balay nga si Raul nga nagapakighilawas sa idalom sang habol.
Gilayon naman nga nagpalagyo si Raul nga hublas kag ginlagas ni Diego apang wala na sini naabtan, gani ang asawa na lang ang ginbalikan kag ginsapote.
Antes pa sang hitabo, may panagupnop na ang bana nga ginalu-iban ini sang iya asawa.
Wala sang bata ang mag-asawa bangud may problema sa matris ang babaye.
Pahayag pa ni Punong barangay Basulgan, gin-ako man ni Lily nga apat ka lalaki ang nagagamit sa iya, sa diin nagabayad ang iban sang P100 ukon P200.