ILOILO – Ginkalipay ni anay Health Secretary kag subong Iloilo 1st District Rep. Janet Garin nga bukas ang Malacañang sa posibilidad sang liwat nga paggamit sang dengvaxia vaccine sa Pilipinas.
Ini sa tunga sang nagataas pa gid nga kaso sang dengue sa pungsod kun sa diin naglab-ot na sa masobra sa 100,000 ang nabiktima kag yara sa 500 na ang napatay.
Sa interview sang Bombo Radyo Iloilo kay Rep. Garin, iya ginpahayag nga nalipay siya bangud wala nagpadala ang Malacañang sa pamahog ni Public Attorney’s Office (PAO) chief Atty. Persida Acosta.
Suno kay Garin, nagapakita ini nga wala ginakilala sang palasyo ang mga pahayag ni Acosta nga suno sa mamalidha nagapakuno-kuno nga eksperto.
Dugang pa sang opisyal, si Acosta ang tawo nga wala dapat ginasapak bangud nagapalpta lamang ini sang sala nga impormasyon agud patalangon ang publiko tuhoy sa dengvaxia
