ILOILO,CITY– Kritikal ang isa ka lalaki matapos ini ang mabun-an sa Jereos St. Lapaz, Iloilo City.
Ang biktima ginkilala si Jeffery Solano residente sang Brgy. Lanit, Jaro Iloilo city kag ginapahayag staff ni Kgwd. Jay Treñas.
Nahibaluan nga nagbisita lang kun tani si Solano sa haya sang iya nga hinablos sang sya ang ginbalabagan sang isa ka wala makilala nga lalaki.
Suno sa nakakita sa insidente nga paka-isa man sang biktima nakasakay sa motor ang suspek kag dako ang panglawason sini.
Dugang pa sang witness, nabatian niya nga nagapakit-luoy pa ang biktima nga indi pag bun-on apang wala gid ini napunggan.
Nag hestirikal naman kag indi sa gihapon maistorya ang witness bangud sa nasaksihan nga insidente.
Samtang suno naman kay Rowel Vasaquez, paka-isa sang biktima, nag istoryahanay pa sila ni Solano pila ka oras nga matabo ang insidente.
Dugang sang natungdan, wala sya sang ideya kun sin-o ang posible nga suspek sa natabo nga pagbuno sa iya nga paka-isa kag wala man ini sang nasambit nga kontra sini.
Gilayon naman nga gindala sa hospital ang biktima agud mahatagan sang nagakadapat nga pagbulong.
