ILOILO CITY – Dako nga palaligban para sa sidewalk vendors nga ginhalin sa Cacho Property kun paano sila maga-umpisa sang pagbaligya bangud wala sa gihapon natapos ang pagpanglimpyo sa ila ginsayluhan nga lugar.
Sa interview sang Bombo Radyo kay Thelma Lobaton, isa ka sidewalk vendor, iya ginpahayag nga wala sila sa gihapon naka-umpisa sa pagbaligya bangud nga naga-ulan kag wala sila sang pasilungan.
Samtang, nagpatigayon naman sang pagsinapol ang sidewalk vendors kaupod ang Cacho family subong nga adlaw agud istoryahan ang tuhoy sa P100 nga renta sa tagsa ka adlaw.
Una nga ginpahayag sang sidewalk vendors nga luyag nila hingyuon sa Cacho family nga hatagan sila sang konsiderasyon ilabi na sa pagbayad sang renta.
