ILOILO CITY – Wala nag “flip-flopped” Iloilo City Lone District Rep. Jam-Jam Baronda tuhoy sa iya nga pagdesisyon sa tunga sang Panay Electric Company kag MORE Electric and Power Corporation.
Sa interview sang Bombo Radyo kay Baronda, iya ginpahayag nga indi malikawan nga may yara gid sang magapakamalaot sa iya mangin desisyon bilang isa ka elected official.
Suno kay Baronda, ang iya nga pagdesisyon nga indi pagpaboran ang franchise re-application sang Panay Electric Company ang bangud sa lawlaw nga serbisyo nga ginahatag sa pumuluyo.
Ginpahayag ni Baronda nga sa iya nga pagdesisyon, iya nga ginpanumdum kun ano ang makapaayo sa kadam-an.
Nahibalu-an nga padayon sa subong ang legal battle sa tunga sang duha ka electric company agud nga mangin electric power distributor sa syudad sang Iloilo.
May kaangtanan diri, nagpaguwa sang mandu si Hon. Daniel Antonio Gerardo Amular, presiding judge sang Branch 35 sang Regional Trial Court, nga sundon sang magtimbang nga bahin ang gag order nga indi maghatag sang pahayag sa media samtang wala pa natapos ang legal battle.
