Ginkuhaan lang sang komento ang kampo nanday Sen. Ferdinand ‘Bongbong’ Marcos kag Vice President Leni Robredo natuhoy sa election protest nga gin pasaka sang kampo ni Marcos sa kabaylo nga padayunon ukon ibasura ini kun tani.
Sa boto nga 11-2 nagmando ang Korte Suprema nga ipagwa ang inisyal nga resulta sang recount sang duha ka kampo nga ginbalabagan nanday Senior Associate justice Antonio Carpio kag Associate Justice Alfredo Benjamin Caguioa.
Nahibaluan nga nangin rason sang poll protest ni Marcos ang ginapahayag nga pagpangdaya sa nakaligad nga eleksyon sang gintalikdan nga 2016 kun sa diin nalutos ni Robredo si Marcos sa pagka bise presidente matapos nga nagpanguna si Robredo nga may yara sang 263,473 nga boto.
Nagapati naman si Vice President Leni Robredo nga nagakadapat lang nga ibasura na ang nasambit nga kaso bangud wala ini sang kamatuoran.
Samtang dismayado naman ang kampo ni Marcos sa nangin resulta apang handa naman sila nga sundon ang mando sang Presidential Election Tribunal kun sa diin ginapapasa sila sang memorandum natuhoy sa poll protest
Suno kay Vic Rodriguez, abogado ni Marcos luyag na nila matapos kag mahatagan sang nagakadapat nga aksyon ang nasambit nga kaso.
