ILOILO – May yara pa sang 16 ka mga banwa sa Western Visayas ang wala sa gihapon sang fire stations kag fire trucks.
Sa interview sang Bombo Radyo kay Fire Superintendent Crosbee Gumowang, Assistant Regional Director for Administration sang Bureau of Fire and Protection 6, iya ginpahayag nga apisar may yara sang mando ang ahensya nga nagakadapat may yara sang fire stations ang tagsa ka banwa, apang bangud sa limitado nga pondo, may yara sa gihapon nga mga banwa nga wala sang fire trucks kag wala man sang fire stations.
Suno kay Gumowang, sa Aklan, may yara sang pito ka banwa nga wala sang fire stations, tatlo sa Antique, duha sa Capiz kag Negros kag isa naman sa Iloilo.
Ginpahayag ni Gumowang, ang mga lugar nga wala sang fire stations ang may yara lang sang Fire Officers nga nagapatigayon sang Fire Prevention Tips, inspection sa mga building kag may yara sang clustering sang mga banwa.
Samtang, may yara naman sang donasyon nga fire trucks si Antique Congresswoman Loren Legarda para sa Antique nga mahimo makapabuhin sa numero sang mga banwa nga may kulang sa fire equipments.
