ILOILO – Padayon ang ginapatigayon nga imbestigasyon sang Sta.Barbara Municipal Police Station sa natabo nga insidente sang paghikog sang isa ka 22-anyos nga lalaki sa nasambit nga lugar.
Ang biktima ginkilala si Adrian Andales sang Brgy. Lanag, Sta. Barbara, Iloilo.
Sa intreview sang Bombo Rady kay PSGT Randolf Bayting, imbestigador sang Sta Barbara Municipal Police Station iya ginpahayag nga base sa ila nangin imbestigasyon kag panaysayon sang anay miga sang biktima madugay na nga nagapakita sang motibo si Andales sa iya tuyo nga paghikog.
Suno kay Bayting nakibot lang ang barkada ni Andales nga kaupod niya nga nag inom-inom bag o magluntad ang insidente sang may nabatian na sila nga lupok pila ka minuto matapos nga naglisensya ang biktima nga mangihi.
Sa subong suno san natungdan, ginahulat nalang nila ang desisyon sang pamilya Andales kun ipaidalom sa autopsy ang bangkay sang ila nga himata agud matapos na ang imbestigasyon sa nasambit nga insidente.
