ILOILO CITY – Ginlunsyar sang Police Regional Office 6 ang ‘Bayanihan sa Kampo Delgado tuwing Sabado’ bilang bulig sa mga naapektuhan sang Coronavirus Disease 2019 (COVID-19).
Sa interview sang Bombo Radyo kay Police Brigadier Gen. Rene Pamuspusan, Regional Director sang Police Regional Office 6, iya ginpahayag nga subong ang tion agud mapakita sang mga pulis ang ila kaalwan.
Suno kay Pamuspusan, may yara sang ginpahamtang nga mga kiosk kun sa diin lakip sa mga produkto amo ang karne sang baboy, ulutanon, canned goods kag iban pa nga grocery items.
Ang nasambit nga produkto ang ginpanghatag sa 300 ka mga benepisyaryo sa mga barangay nga malapit sa Kampo Delgado.
Agud nga makakuha sa ‘Bayanihan sa Kampo Delgado tuwing Sabado’, mahimo nga magpakita sang quarantine pass.
