US – Negatibo ang nangin resulta sang Coronavirus Disease 2019 test ni US President Donald Trump kag Vice President Mike Pence.
Ini matapos nga nagpositibo sa COVID-19 ang isa ka katapo sang US military nga nagatrabaho sa White House bilang personal valet ni Trump.
Nagpasalig si Presidential spokesman Hogan Gidley nga yara sa maayo nga kondisyon ang ikaayong lawas sang presidente kag bise president sa pihak sang nasambit nga insidente.
Nahibaluan nga ini na ang ika-duha nga bes nga nagpaidalom si Trump sa COVID-19 test sa diin lunsay negatibo ang iya nga resulta.
Samtang magluwas kag Trump kag Pense, ginpaidalom man sa test ang tanan nga nakaupod nila agud masiguro nga wala sang natapikan sang nasambit nga virus.
