MANILA- Nadugangan sang 17 ang numero sang mga pulis nga nagpositibo sa Coronavirus Disease 2019 (COVID19).
Sa data sang Philippine National Police Health Service, nagdangat na sa 231 ang kabug-usan nga numero sang PNP personnel nga infected sang virus.
Ang mga pulis nga nagdugang sa listahan ang kalabanan na assign sa Metro Manila.
Naglab-ot naman sa 67 ang naka recover matapos nagdugang ang isa ka pasyente samtang nagapabilin naman sa apat ang patay.
166 sa mga pasyemte ang nagapabilin sa quarantine facilities, apat sa hospital kag 35 ang naka home quarantine.
Ginapahayag nga nagdangat sa 687 ka PNP personnel ang ginakabig Probable Persons Under Investigation samtang 536 naman ang Suspected Persons Under Investigation.
