ILOILO CITY – Ginahitso na sang Department of Social Welfare and Development kag Department of Interior and Local Government ang ika duha nga hugnat sang pagpanagtag sang Social Amelioration Program.
Ini ang ginkumpirmar ni National Task Force Against COVID-19 Chief Implementer Secretary Carlito Galvez Jr. kadungan sang iya pagbisita sa Iloilo.
Suno kay Galvez, mangin prayoridad sa ika duha nga hugnat ang mga wala nakabaton sa labing una nga pagpanagtag.
Nagpasalig naman ang natungdan nga tinghuaan sang gobyerno nga mahatagan ang tanan nga mga nagakinahanglan sang ayuda ilabi na ang naapektuhan sang krisis nga gintuga sang Coronavirus Disease 2019.
Samtang, ginapahayag ni Galvez nga ipalab-ot pa niya kay Department of Transportation Secretary Arthur Tugade ang problema may kaangtanan sa pagdumili sang Land Transportation Office sa mga pampubliko nga salakyan nga makabyahe kun wala sang special permit apisar wala pa nag expire ang ila franchise.
