ILOILO CITY- Malayo ang posibilidad nga may natabo nga foul play sa kamatayon sang 16-anyos nga dalagita nga naghikog sa Supa, Tigbauan, Iloilo.
Sa interview sang Bombo Radyo kay Police Major Rolando Araño, hepe sang Tigbauan Municipal Police Station, iya ginpahayag nga base sa mga ebidensya kag sirkumstansiya, wala sang senyales nga mahimo hungod nga ginbitay sa balayan ang biktima.
Suno kay Araño, wala sang pagginumon sa sulod sang balay nga mahimo magpatimaan nga nanginpadlos ang biktima agud depensahan ang kaugalingon kun gintuyo gid man ini nga patyon.
May kaangtanan naman sa suicide note nga ginbilin sang biktima, ginpahayag ni Araño nga nagasanto ang lettering sa papel sa iya penmanship baliskad sa pahayag sang pamilya nga lain ang agi(handwriting sang iya anak).
Samtang,kun basehan naman ang resulta sang autopsy, massive pulmonary and respiratory tract hemorrhage; mechanical obstruction of the respiratory tract at the neck resulting to asphyxial death;a traumatic ligature at the anterior neck ukon sa malip-ot nga pulong, maathag nga pagkakuga tuga sang pagbitay sa pisi ang kabangdanan sang kamatayon sang dalagita.
Nagapabilin naman nga palamangkutanon suno kay Araño ang senyales sang attempted penetration sa kinatawo sang biktima nga mahimo isa sa mga nagtrigger sa iya pagpanginmatay.
