ILOILO – Nagpaguwa sang pagsulundan ang Regional Inter-Agency Task Force on Emerging Infectious Disease (RIATF-EID) may kaangtanan sa travel restrictions sa mga mapauli nga locally stranded individuals (LSIs) sa Paskwa.
Sa interview sang Bombo Radyo kay Ma. Aletha Nogra, spokesperson sang Regional Task Force, iya ginpahayag nga may yara sang pagsinapol ang RIATF kag Regional Task Force (RTF) kaupod ang local chief executives sang Western Visayas sa plano nga pagregulate sang byahe sa Paskwa.
Suno kay Nogra, gin-istoryahan man ang mga pagpanghanda ilabi na ang istrikto nga pagpatuman sang health protocols sa holiday season.
Pahayag ni Nogra nga may mga executive order man nga ipagwa ang Iloilo City Government agud i-review sang Regional Inter-Agency Task Force.
Dugang pa sang natungdan nga kun matapos na ang mga resolusyon, igapatuman ini sang Regional Task Force kaupod ang Philippine National Police.
