ILOILO – Gin-athag sang Regional Inter-Agency Task Force for the Management of Emerging Infectious Diseases (RIATF) nga ginatugyan sa legal section sang Department of the Interior and Local Government ang mga nagalapas sa ginapatuman nga mga health protocol.
Ini ang may kaangtanan man sa mga opisyal sang gobyerno nga naglapas sang physical distancing sa Iloilo Freedom Grandstand sa pihak sang existing Executive Order ni Iloilo City Mayor Jerry Treñas nga nagadumili sa pumuluyo nga magtililipon sa publiko.
Sa interview sang Bombo Radyo kay Ma. Aletha Nogra, spokesperson sang Regional Taskforce for COVID-19, iya ginpahayag nga ang mga nagalapas sang mga health protocol ang ginahatagan sang warning pinaagi sa opisyal nga kasulatan.
Ini agud mahibaluan sang mga violators ang ila sala kag makapahayag man sang ila nga rason sa paglapas.
Kun mapamatud-an suno kay Nogra, magapangatubang naman sang nagakaigo nga kaso ang mga violators.
